Erbil Spor li Deplasmanê Berambere ma

Tîma fûtbolê ya Başûrê Kurdistanê Erbil SC di gera nehê ya Lîga Stêrkên Îraqê de, li hember Naft Maysan SC bi encama 1–1 ma û ji vê maçê xalek bi dest xist.

Erbil SC di deqeya 34an de bi pîyê Miullen gola yekem avêt û bi avantajê 1–0 ket nav bêhnvedana nîva yekem. Piştî vê golê, tîma Hewlêrê hewl da ku encamê biparêze û rê li ber êrîşên dijber bigire.

Di nîvê duyemîn de, Naft Maysan SC zexta xwe zêde kir û hewl da ku encamê wekhev bike. Maç ber bi dawiyê ve diçû û xuya bû ku Erbil SC dê bi sê xalan vegere, lê di kêliyên dawî de rewş hat guhertin.

Di deqeya 90+7an de, Naft Maysan SC ji penaltîyê gol avêt. Daouda Diémé top avête torê û encam kir 1–1. Bi vî awayî, tîma mazûvan di kêliyên dawî de xalek ji maçê stend û Erbil SC du xal winda kirin.

Erbî Spor, bi vê encamê hejmara xalên xwe kir 18 û di lîgê de rêza sêyem de cî girt.